feroo مشرف قسم المحمول
عدد الرسائل : 405 العمر : 36 الموقع : www.facebook.com اعلام الدول : المزاج : المهنة : الهواية : sms : My SMS حكاية تاريخ التسجيل : 27/11/2008
| موضوع: سندريلا ومرات ابوها السبت يناير 31, 2009 12:30 pm | |
| مرات الاب : بت يا سندريلا اصحى يا بت جاك خابط فى نفوخك
سندريلا : اييييه يا مرات ابويا خمسه وحقوم
مرات الاب: قومى يا بت قامت قيامتـك
وصحيت سندريلا وهى بتأفأف .. كان لازم يعنى اسهر عشان اسمع اللى اسمه اسامة منير ده !!!
مرات الاب : يللا قومى اكنسـى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكو انا عاوزه اروح .. بليييييز
مرات الاب : تروحى فين يا معفنه بلبسك المهرول ده انا عايزه ارجع الاقى
البيت بيبرق
ومشيت مرات الاب وبناتها التلاته وقعدت سندريلا تعيـط وفجــأه طلعتلها
الســاحره من الميكروويف ....
الساحره : مالك يا سندريلا ؟؟
سندريلا : كان نفسى اروح معـاهم الحفله بس لبسى مقطع و موبايلى كارت
ولابسه شبشب بصباع
الساحره : ولا يهمك وطلعت من جيبها الموبايل وطلبت الاتيليه بتاع مدام
لولو يبعتو فستان وجزمه اخر موديـل
فرحت سندريلا ولبست وحطط الآي شادو و الجليتور ورشت البرفان بس
الساحره قالتلها : قدامك للساعه 12 لازم ترجعى احنا صعايدة ودمنا حامى
ومعندناش بنات تتأخر
و لو اتأخرتى حترجعى زى ما كنتى بلبسك القديم وسط الناس
سندريلا : حاضر حاضر اما ساحره رجعيه صحيح !!
خرجت سندريلا من البيت لقت الساحره مجهزة الـ Bmw
ركبت سندريلا وراحت ع القصـر ولفت جمــالها كل اللى موجودين و اول ما
عين الامير وقعت عليها راح وطلب يرقص معاها و وافقــت
نظرات ... همسات .... صمــت
ترررررررررن ترررررررررررن
سندريلا : دى الساحره بتدينى ميسد .. يا خبر الساعه 12
وقامت طالعه تجرى قوم ايه وهى بتجرى فرده الجزمه اتخلعت
خدها الامير المعجب و نادى للوزير
الامير : يا وزير تـامر
الوزير : امرك يا باشا !!
الامير : خد الجزمه دى اسحبلى صورتها اسكانر و نزل صورتها فى كل
الجرايد و ع الويب سايت بتاع القرية ..
واكتب على صاحبه هذه الجزمه التوجه للقصـر الملكــى
بنات كتير جدا راحو و يا سبحان الله الجزمه مجتش على مقاس حد فيهم (قال
يعنى سندريلا رجليها رجل معزه )
الى انا شاهدت سندريلا الاعلان عن فرده الجزمه على ميلودى هيتس وقامت
التوجه الى القصر وتزوجت هى والامير
وعاشوا فى تبات ونبات و خلفو توأم ملتصق وشويه بنات | |
|
HiT MaN مشرف قسم الالعاب
عدد الرسائل : 162 العمر : 34 المزاج : المهنة : الهواية : sms : Hello تاريخ التسجيل : 03/12/2008
| موضوع: رد: سندريلا ومرات ابوها الأحد فبراير 01, 2009 12:02 pm | |
| | |
|
feroo مشرف قسم المحمول
عدد الرسائل : 405 العمر : 36 الموقع : www.facebook.com اعلام الدول : المزاج : المهنة : الهواية : sms : My SMS حكاية تاريخ التسجيل : 27/11/2008
| موضوع: رد: سندريلا ومرات ابوها الإثنين فبراير 02, 2009 4:52 am | |
| يارب تكون عجبتك بجد يا موحاااا | |
|
kapo_4ever مشرف قسم الرياضة
عدد الرسائل : 573 العمر : 34 المهنة : الهواية : sms : حكاية تاريخ التسجيل : 25/11/2008
| موضوع: رد: سندريلا ومرات ابوها الإثنين فبراير 23, 2009 4:11 am | |
| ايه يا عم فيرو اللى انتا عامله ده يا سلاااااااااااااااااام جيبتوه منين ده؟ | |
|